Nisën rrugëtimin e tyre me biçikleta nga Evropa drejt Azisë, çifti britanik përfundon në Prizren për shkak të COVID-19

Reuters i ka kushtuar një artikull interesant çiftit nga Mbretëria e Bashkuar, të cilët për shkak të pandemisë së coronavirusit dhe mbylljes së kufijve nëpër botë, kanë ngecur në Kosovë.

Bëhet fjalë për skocezin Mike Elm dhe partneren e tij Rosie Watson, të cilët po udhëtonin nga Evropa për në Azi për të sensibilizuar botën për ndryshimet klimatike.

Elmit dhe Watsonit u lejohet të dalin nga 90 minuta në ditë për të blerë gjësendet esenciale në qytetin e Prizrenit, ku edhe intervista e tyre e realizuar nga Reuters është aprovuar nga autoritetet kosovare.

“Jam me shumë fat që kanë përfunduar në një vend si ky, është një qytet i bukur”, tha Elm për Reuters.

“Mund ta imagjinoj se ka mundur të jetë shumë më sfiduese, sepse kam mundur të jem vetëm dhe të mos kem me kënd të debatoj apo të qeshi”, ka shtuar ai.

32-vjeçari nga Edinburgu, kishte planifikuar që me biçikletën e tij të përshkojë 10 mijë kilometra – ngas Austria në Mongoli dhe atë në një periudhë prej dy vitesh, por deri më tani ia ka arritur t’i përshkoj vetëm 3 mijë, kur edhe përfundoi në Kosovë.

Watson kishte filluar udhëtimin e saj vitin e kaluar nga shtëpi në Lake District në veri të Anglisë. “Evropa Lindore ka më shumë resurse natyrore”, ka shtuar ajo.